காந்தி ஜெயந்தி

அன்று மட்டுமாவது

உன் கண்களை மூடி வையடி,

மதுக்கடைகளை திறந்தால் அன்று

மன்னிப்பே கிடையாதாம்...

அடிப்போடி...

ஒவ்வொரு நாளும்

நீ கையசைத்து விடைகொடுக்கும்

நிமிடத்திற்கு

முந்தைய நிமிடத்தில்

முடிந்து போகிறது

அன்றைய தினம்!

மழைக் கோலம்

`வருத்தப்பட்டாயாமே...!

நேற்று நீ வரைந்த கோலம்

மழையால் அழிந்ததென்று...

பைத்தியக்காரி..

உன் விரல் செய்த விந்தையை

மனிதர்கள் பார்க்கும் முன்பு

மழை பார்க்க வந்திருக்கும்...

பெருமைப் பட்டுக்கொள்வாயா...`

ஆங்கிலம் தெரியாதென்பது என்ன அவ்வளவு கேவலமா?

சமீபத்தில் கல்லூரி ஒன்றில் நடந்த நிகழ்விற்கு பேச அழைத்திருந்தார்கள்.நிகழ்ச்சிக்கு முதல் நாள் கூப்பிட்ட நண்பர் தொலைபேசியில் அழைத்து `தமிழ் அங்கே ஆங்கிலத்தில் தான் பேசணுமாம் ...` என்றார். நான் மறு நொடி சொன்னேன் `மன்னிக்கவும் எனக்கு ஆங்கிலத்தில் சரளமாக பேச வராது`

அவ்ர் ஆச்சரியமாக கேட்டார் `ஆங்கிலத்தில் பேச வராதா..?அதை இவ்வளவு பெருமையாக சொல்லி கொள்கிறீர்கள்..கொஞ்சம் கூச்சமாக இல்லையா?` நான் அமைதியாக சொன்னேன் `இதில் என்ன கூச்சப்பட இருக்கிறது? எந்த ஆங்கிலேயனாவது தமிழ் தெரியவில்லை என்று கூச்சப்படுகிறானா...?

அவர் அலுத்துக்கொண்டு சொன்னார் ` ஆமாம் உங்களை மாதிரி கிறுக்கு பயலுக தான் இன்னும் தமிழை கட்டிக்கொண்டு அழுகிறீர்கள்..எந்தனை தமிழ் வாத்தியார்கள் தங்கள் பிள்ளைகளை

தமிழ் வழியில் படிக்க வைத்திருக்கிறார்கள் என்று உங்களால் சொல்ல முடியுமா?`

நான் சொன்னேன் `தமிழ் வாத்தியார் வேலைக்கு மாதம் ஒரு லட்சம் சம்பளம் என்று சொல்ல சொல்லுங்கள்..அடுத்த வருடம் தமிழ் படிக்க நுழைவுத்தேர்வு நடத்தி தான் மாணவர்களை தேர்வு செய்ய வேண்டியிருக்கும். அதைப்போல மருத்துவம்,பொறியியல்,சட்டம் ஆகிய உயர் தொழில் படிப்புகளை தமிழில் நடத்த புத்தகமும்,அரசாணையும் வெளியிட சொல்லுங்கள்...இதையெல்லாம் செய்ய வக்கற்ற தமிழின தளபதிகள் தங்கள் வீட்டு பிளளைகளை ஆங்கில வழியில் படிக்க அமெரிக்காவிற்கு அனுப்பி விட்டு ஏமாந்த அப்பாவி தமிழனுக்கு தமிழில் படிக்க அறைகூவல் விடுப்பார்கள்`

மேலும் சொன்னேன் `ஆங்கிலம் தெரிந்தவன் அறிவாளி என்றும் அந்த மொழி தெரியாதவனை முட்டாள் என்றும் `சிவப்பாய் இருப்பவனெல்லாம் நல்லவன்` என்கிற காமெடியைப் போல் உளறித் திரிகிறார்கள். உண்மையில் ஆங்கிலம் தெரிவதென்பது ஒரு மொழியறிவு மட்டுமே..அது ஒரு மனிதனின் மேதமைத்தன்மையை நிர்ணயிக்கும் அல்லது அளக்கும் காரணி அல்ல..`

`இன்னும் சில பேர் பிதற்றுகிறார்கள் ஆங்கிலம் படித்தால் உடனே வேலை கிடைக்குமென்று...அப்படியென்றால் அமெரிக்காவில் வேலையில்லாத இளைஞர்களே இல்லையா..?

விவாதம் அனல் பறக்க தொடர்ந்தது....முடிந்தால் அதை இன்னுமொரு நாளில் பதிவு செய்கிறேன்...

சிவனே...!

ஊமையாய் படைத்தாய் என்னை

ஊறு செய் புலன்கள் செய்தாய்

தீமையாய் ஆசையுள் புகுந்தேன்-என் சிவனே

தீருமோ தீவினை யாவும் நன்றே..!

ஒரு துளி...

ஒரு துளி மை

ஒரு துளி மது

ஒரு துளி விஷம்

ஒரு துளி விந்து

ஒரு துளி வியர்வை

ஒரு துளி கண்ணீர்

ஒரு துளி உதிரம்

ஒரு துளி மழை

ஒரு துளியல்ல நான் என

உணர்த்திட

எத்துளியாவது இணைத்திடும் என்னை

உன்னுடன்...உலகுடன்...

நல்லாட்சி நடந்தால் நல்லா பாராட்டுங்க...!

துறை அனுபவமுள்ள புதிய முகங்களுக்கு அமைச்சர் பதவி,ஆரவாரமில்லாமல் நன்றி சொல்ல அறிவுறுத்தல்,அமைச்சர்களுக்கு நடத்திய பயிற்சிப் பட்டறை,துறைரீதியாக முடிக்கி விடப்பட்டுள்ள நிர்வாகம்,வாக்குறுதிகளை நிறைவேற்ற தனி அமைச்சகம்,மாவட்டந்தோறும் ஆடம்பர விழாக்கள் இன்றி இலவச அரிசி வினியோகம் இதோ இப்போது அரசியல் தலையீடற்ற நிர்வாகத்திற்கு அடையாளமாக அதிமுக வினர் மீதே அதிரடி நடவடிக்கை என அம்மாவின் ஆரம்பமே அட்டகாசமாக உள்ளது. அம்மாவின் தலைமையில் ஒரு புதிய பொற்கால தமிழகம் அமையும் என்ற நம்பிக்கை வந்துள்ளது.